![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një pacient i infektuar nga virusi Lassa ka ndërruar jetë këtë të shtunë në Britaninë e Madhe, raportojnë mediat vendase.
Bashkë me viktimën, numri i të infektuarve nga virusi i rrezikshëm hemorragjik ka shkuar në tre, ndërsa gjatë javës ishin të konfirmuar vetëm dy raste.
Sipas informacionit të konfirmuar nga autoritetet shëndetësore, Lassa është i ngjashëm me Ebolë dhe endet nëpër Afrikë. Ndërsa në Mbretërinë e Bashkuar shëndetësia ka filluar garën me kohën për të gjurmuar kontaktet e viktimës, për të kufizuar përhapjen.
Ndërkohë, në Britani ka filluar të rritet frika se virusi mund të përhapet, pavarësisht se Agjencia e Sigurisë Shëndetësore e Mbretërisë së Bashkuar (UKHSA) ka theksuar që transmetimi nga njeriu në njeri është i rrallë dhe shumica e të infektuarve shërohen plotësisht.
“Ne po kontaktojmë individët që kanë pasur kontakt të ngushtë me rastet përpara konfirmimit të infeksionit të tyre, për të ofruar vlerësimin, mbështetjen dhe këshillën e duhur”, UKHSA tha në një deklaratë.